Taekvondo bo‘yicha O‘zbekiston terma jamoasi a’zosi Svetlana Osipova Fransiya poytaxti Parijdagi French Open musobaqasida bronza medalini qo‘lga kiritdi. Bu haqda MOQ matbuot xizmati xabar berdi.
+73 kg vazn toifasida O‘zbekiston sharafini himoya qilgan Svetlana Osipova musobaqa davomida AQSh va Fransiya vakillarini mag‘lubiyatga uchratib, yarim finalga yo‘l oldi. Final ostonasida kechgan jangda u boshqa bir fransiyalik raqibasiga imkoniyatni boy berdi va bronza medali bilan kifoyalandi.
Eslatib o‘tamiz, -53 kg vazn toifasida o‘zbekistonlik Charos Qayumovaning avvalroq oltin medalga ega chiqqani haqida xabar berilgandi. Shu tariqa O‘zbekiston terma jamoasi a’zolari musobaqani 1 ta oltin va 1 ta bronza medallari bilan yakunladi.
Ma’lumot uchun, mazkur musobaqa Tokio—2020 Olimpiadasiga reyting ochkolarini taqdim etadi.
Izoh (0)