Таэквондо бўйича Ўзбекистон терма жамоаси аъзоси Светлана Осипова Франция пойтахти Париждаги French Open мусобақасида бронза медалини қўлга киритди. Бу ҳақда МОҚ матбуот хизмати хабар берди.
+73 кг вазн тоифасида Ўзбекистон шарафини ҳимоя қилган Светлана Осипова мусобақа давомида АҚШ ва Франция вакилларини мағлубиятга учратиб, ярим финалга йўл олди. Финал остонасида кечган жангда у бошқа бир франциялик рақибасига имкониятни бой берди ва бронза медали билан кифояланди.
Эслатиб ўтамиз, -53 кг вазн тоифасида ўзбекистонлик Чарос Қаюмованинг аввалроқ олтин медалга эга чиққани ҳақида хабар берилганди. Шу тариқа Ўзбекистон терма жамоаси аъзолари мусобақани 1 та олтин ва 1 та бронза медаллари билан якунлади.
Маълумот учун, мазкур мусобақа Токио—2020 Олимпиадасига рейтинг очколарини тақдим этади.
Изоҳ (0)