“Nuroniy“ jamg‘armasi Qoraqalpog‘iston boshqarmasi hamda Yoshlar ittifoqi respublika kengashiga Prezident sovg‘asi — Isuzu avtobuslari, “Oila“ ilmiy-amaliy tadqiqot markazining shahar va tuman bo‘limlariga esa 16 ta Spark xizmat avtomashinalari topshirildi. Bu haqda O‘zA ma’lum qildi.
— Prezident tomonidan nuroniylarga katta e’tibor qaratilmoqda, — deydi “Nuroniy“ jamg‘armasining Qoraqalpog‘iston Respublikasi boshqarma raisi Sharap Usnatdinov. — Qoraqalpog‘istonlik nuroniylar uchun avtobusi topshirilgani bizni behad quvontirdi. Bundan tashqari, qoraqalpog‘istonlik Ikkinchi jahon urushi qatnashchilariga 10 turdagi qishki kiyim-kechaklar tarqatilmoqda. Nukusda qurilgan “Nuroniylar maskani“ faoliyatidan ham keksalarimiz juda mamnun.
Qoraqalpog‘iston Yoshlar ittifoqi kengashiga topshirilgan avtobus yoshlar kelajagiga qaratilayotgan alohida e’tiborning amaldagi ifodasi bo‘ldi. Bu xursandchilik Nukus shahridagi Yoshlar markazida “Bo‘lg‘usi kelin-kuyovlar innovatsion maktabi”ning ochilish tantanasiga ulanib ketdi.
Izoh (0)