IIV jamoatchilik va OAV bilan aloqalar boshqarmasi elektron nashrlarda tarqalgan Toshkent viloyatidagi manzil-koloniyada saqlanuvchi mahkumlarga sharoit yaratilmagani, ularning huquqlari buzilayotgani haqidagi xabarlarni rad etdi.
Boshqarmaga ko‘ra, muassasadagi yuvinish va xojatxonalar zamonaviy texnika bilan jihozlangan, eski hojatxonalar va yuz-qo‘l yuvish uskunalari esa anchadan buyon ishlatilmaydi. Ovqat tayyorlash va tanavvul qilish uchun erkak mahbuslarga alohida binoda kerakli buyum va asbob-uskunalar bilan jihozlangan oshxona ishlab turibdi.
Mahkumlar uyali telefondan erkin foydalanadi. Ularning yaqinlari va boshqa shaxslar bilan uchrashishlarida cheklovlar mavjud emas.
Shuningdek, jazoni o‘tash muassasalari faoliyati va ularda mahbuslar huquqlarining ta’minlanishi yuzasidan idoraviy va prokurorlik nazorati doimiy ravishda amalga oshiriladi.
2018-yil davomida Jazoni ijro etish bosh boshqarmasiga Toshkent viloyatida joylashgan manzil-koloniyadan 275 ta murojaat kelib tushgan bo‘lib, ular asosan avf masalalari va boshqa koloniyalarga o‘tkazish yuzasidan murojaatlardan iborat. Mahkumlar yoki ularning qarindoshlaridan shikoyatlar kelib tushmagan.
Izoh (0)