Turizmni rivojlantirish davlat qo‘mitasi ba’zi mamlakatlar bilan viza rejimini yanada soddalashtirish tashabbusini ilgari surmoqda, deb yozadi Norma. Shuningdek, uy-joyni ijaraga berish va faoliyatning ba’zi turlarini litsenziyalash tartibini yengillashtirish ham rejalashtirilmoqda. Bu 2025-yilgacha Turizm sohasini rivolantirish konsepsiyasi loyihasida ko‘zda tutilgan.
Viza jarayonlarini Yevroittifoq va chiqish turizmi rivojlangan boshqa mintaqalar mamlakatlari fuqarolari uchun soddalashtirish rejalashtirilmoqda.
Ikki tomonlama kelishuvlar asosida uchinchi mamlakatlar uchun O‘zbekiston va Qozog‘istonga yagona kirish vizasini joriy qilish va keyinchalik boshqa mamlakatlarni ham bunga jalb etish masalasini o‘rganib chiqish nazarda tutilgan.
Bundan tashqari, loyihada uy-joy (xususiy xonadon va uylar)ni 30 kungacha qisqa ijaraga berishning soddalashtirilgan tartibini joriy qilish rejalashtirilmoqda.
Izoh (0)