Aktyor va rejissor Javohir Zokirov “Daryo” internet-nashriga eksklyuziv intervyu berdi. Intervyuni jurnalist Feruz Muhammad tashkillashtirdi.
Aktyor “Mirzo Ulug‘bek. Osmon toqiga qo‘yilgan narvon” tarixiy hujjatli filmining suratga olish jarayonida film bosh rol ijrochisi, jahon kinosi yulduzi Armand Assantega qanday o‘zbekcha ohang o‘rgatganini gapirib berdi.
Venetsiya kinofestivalida ‘Mirzo Ulug‘bek. Osmon toqiga qo‘yilgan narvon’ tarixiy hujjatli filmining bir soatlik variantini ko‘rganmiz, Toshkentda esa filmning birmuncha qisqaroq varianti premyera qilindi. Filmning Toshkentda premyera qilingan variantida tushib qolgan epizodlardan biri haqiqiy yo‘lbars bilan suratga olingan edi. Xullas, yo‘lbarsni olib kelib, kuniga 20 kilogrammi 50 kilogrammi go‘sht berib uni boqishgan. O‘sha yo‘lbars uchun maxsus panjaralar yasatishgan, panjaraning ichiga ko‘k fon joylashtirilgan. Biz esa o‘sha yo‘lbarsni ov qilish jarayonida suratga tushishimiz kerak edi. Armand Assante o‘sha vaziyatda mendan ‘ov jarayonida qanday o‘zbekcha so‘z yoki ohang ishlatsam bo‘ladi’, deb so‘radi, o‘shanda men unga ‘hayyaaa’ degan ohangni o‘rgatdim. Armand Assante ‘hayyyaa’ degan edi, haqiqiy o‘zbek bo‘ldi qoldi. Men otamni qanday yaxshi ko‘rgan bo‘lsam, mehr qo‘ygan bo‘lsam Armand Assantega ham xuddi shunday mehr qo‘ydim, hurmat qildim. Suratga olish ishlari juda ham yaxshi o‘tdi.Javohir Zokirov, aktyor va rejissor
Izoh (0)