O‘zbekistonda gemodializ xizmatlari ko‘rsatilishini moliyalashtirish uchun xususiy investitsiyalar jalb etiladi

Moliya vazirligida Moliya vazirligi, Sog‘liqni saqlash vazirligi rahbarlari va Xalqaro moliya korporatsiyasi (International Finance Corporation, IFC) vakillari o‘rtasida O‘zbekistonda gemodializ markazlarini tashkil etish va gemodializ xizmatlarini ko‘rsatishni moliyalashtirish uchun xususiy investitsiyalarni jalb etish loyihasi muhokamasiga bag‘ishlangan uchrashuv bo‘lib o‘tdi, deb xabar beradi Spot Moliya vazirligiga tayanib.

Uchrashuv davomida quyidagilarni nazarda tutuvchi shartnoma imzolandi:

• Xalqaro moliya korporatsiyasi tomonidan tahlil qilish, tenderni o‘tkazish uchun zarur bo‘lgan tender va boshqa hujjatlarni tayyorlashda yordam ko‘rsatish, Loyihani amalga oshirish uchun xususiy sherikni tanlash uchun tender jarayonini o‘tkazishga ko‘maklashish;
• Xalqaro moliya korporatsiyasi tomonidan investor tomonidan taqdim etilgan xizmatlar (dori-darmonlar, ovqatlanish, tibbiy maslahatlar, laboratoriya testlari va boshqalar) va boshqa masalalarni qamrab olgan gemodializ xizmatlari hajmi va darajasini aks ettirgan loyiha hisobotini tayyorlash;
• Moliya vazirligi tomonidan Xalqaro moliya korporatsiyasi tomonidan taqdim etilgan xizmatlar uchun Davlat byudjeti hisobidandan 150 000 dollar miqdorida mablag‘ to‘lash;
• Sog‘liqni saqlash vazirligi tender yakunlari bo‘yicha aniqlangan xususiy investor bilan davlat-xususiy sheriklik asosida uzoq muddatli shartnoma bitim tuzish.

• sog‘liqni saqlash sohasida xalqaro tajribani va umum qabul qilingan xalqaro standartlarni joriy etish;
• xususiy sektordan taniqli va malakali investorlarni shaffof tenderlar jarayoni orqali jalb qilish va xususiy hamkorlar investitsiyalari asosida gemodializ xizmatlarini tashkil etish, boshqarish va ta’minlash borasida uzoq muddatli davlat-xususiy sheriklik (DXSh) shartnomasini tuzish;
• gemodializ markazlari uchun binolar qurish va rekonstruktsiya qilish, ularda zamonaviy yuqori texnologiyali tibbiy asbob-uskunalar bilan jihozlangan gemodializ markazlarini tashkil etish hamda eng yaxshi xalqaro amaliyotlarni hisobga olgan holda xizmatlar ko‘rsatishni va foydalanishni ta’minlash.