Молия вазирлигида Молия вазирлиги, Соғлиқни сақлаш вазирлиги раҳбарлари ва Халқаро молия корпорацияси (International Finance Corporation, IFC) вакиллари ўртасида Ўзбекистонда гемодиализ марказларини ташкил этиш ва гемодиализ хизматларини кўрсатишни молиялаштириш учун хусусий инвестицияларни жалб этиш лойиҳаси муҳокамасига бағишланган учрашув бўлиб ўтди, деб хабар беради Spot Молия вазирлигига таяниб.
Учрашув давомида қуйидагиларни назарда тутувчи шартнома имзоланди:
- Халқаро молия корпорацияси томонидан таҳлил қилиш, тендерни ўтказиш учун зарур бўлган тендер ва бошқа ҳужжатларни тайёрлашда ёрдам кўрсатиш, Лойиҳани амалга ошириш учун хусусий шерикни танлаш учун тендер жараёнини ўтказишга кўмаклашиш;
- Халқаро молия корпорацияси томонидан инвестор томонидан тақдим этилган хизматлар (дори-дармонлар, овқатланиш, тиббий маслаҳатлар, лаборатория тестлари ва бошқалар) ва бошқа масалаларни қамраб олган гемодиализ хизматлари ҳажми ва даражасини акс эттирган лойиҳа ҳисоботини тайёрлаш;
- Молия вазирлиги томонидан Халқаро молия корпорацияси томонидан тақдим этилган хизматлар учун Давлат бюджети ҳисобидандан 150 000 доллар миқдорида маблағ тўлаш;
- Соғлиқни сақлаш вазирлиги тендер якунлари бўйича аниқланган хусусий инвестор билан давлат-хусусий шериклик асосида узоқ муддатли шартнома битим тузиш.
- соғлиқни сақлаш соҳасида халқаро тажрибани ва умум қабул қилинган халқаро стандартларни жорий этиш;
- хусусий сектордан таниқли ва малакали инвесторларни шаффоф тендерлар жараёни орқали жалб қилиш ва хусусий ҳамкорлар инвестициялари асосида гемодиализ хизматларини ташкил этиш, бошқариш ва таъминлаш борасида узоқ муддатли давлат-хусусий шериклик (ДХШ) шартномасини тузиш;
- гемодиализ марказлари учун бинолар қуриш ва реконструкция қилиш, уларда замонавий юқори технологияли тиббий асбоб-ускуналар билан жиҳозланган гемодиализ марказларини ташкил этиш ҳамда энг яхши халқаро амалиётларни ҳисобга олган ҳолда хизматлар кўрсатишни ва фойдаланишни таъминлаш.
Изоҳ (0)