Ukraina Oliy radasi deputati Andrey Lozovoy Chexiyada qalbaki yevrolar bilan to‘lov qilishga uringanlik uchun qo‘lga olindi. Bu haqda uning o‘zi Facebook’dagi sahifasi orqali ma’lum qildi.
Hodisa Praga aeroportida yuz berdi. Lozovoyning so‘zlariga ko‘ra, u Duty Free’da onasi uchun sovg‘a olmoqchi bo‘lgan, ammo kassada pullar qalbaki ekanligi ma’lum bo‘lgan. Chexiya qonunchiligida qalbaki pul bilan hisob-kitob qilish uni ishlab chiqarishga tenglashtiriladi, shu sababdan deputatni qo‘lga olishdi. Uni samolyotdan olib qolib, yaqin oradagi politsiya uchastkasiga olib ketishgan va sakkiz soat hibsda saqlashgan.
Kiyevdan jo‘nab ketishda Lozovoyning yordamchisi shahardagi valyuta ayirboshlash shoxobchalaridan birida pullarni almashtirgan. Hodisadan xabar topgach, u o‘sha joyga qaytib borgan, ammo “shoxobcha” g‘oyib bo‘lgan. Firibgarlarni Ukraina politsiyasi qidirmoqda, Chexiyada Lozovoyni jabrlanuvchi deb topib, qo‘yib yuborishdi.
Izoh (0)