22-oktabr kuni tong soat 7:00 da Qoraqalpog‘iston hududidan o‘tgan “G‘uzor—Buxoro—Nukus—Beyneu” A-380 yo‘lining 680—681-kilometr oralig‘ida Nukus shahri tomonga qarab harakatlanib kelayotgan, fuqaro Sh.K.boshkaruvidagi Cobalt rusumli transport vositasi bilan shu yo‘lda Beruniy tumani tomonga qarab harakatlanib kelayotgan fuqaro J.A. boshqaruvidagi Nexia rusumli avtomashina bilan to‘qnashgani haqida avval xabar berilgan edi.
Ushbu yo‘l-transport hodisasi oqibatida 5 kishi turli darajada tan jarohatlari olib, vafot etgan edi.
Qoraqalpog‘iston IIV matbuot xizmatidan “Daryo”ga ma’lum qilishlaricha, ushbu hodisa yuzasidan Qoraqalpog‘iston IIV huzuridagi Tergov boshqarmasi tomonidan O‘zbekiston Jinoyat kodeksining 266-moddasi 3-qismi “a” bandi bilan (“odamlar o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish”) jinoyat ishi qo‘zg‘atilgan va hozirda tergov harakatlari olib borilmoqda.
Ma’lumot uchun, ushbu modda bo‘yicha aybdor deb topilgan shaxslar muayyan huquqdan mahrum qilib, 10 yilgacha ozodlikdan mahrum qilish bilan jazolanadi.
Izoh (0)