Toshkent shahrining tuman moliya bo‘limlarida bir qator o‘zgarishlar ro‘y bermoqda. Hozirgi kunning talabini inobatga olgan holda, tizimining muhim bo‘g‘ini sifatida yanada takomillashtirish, malakali kadrlarni yangi marralar sari chorlash maqsadida quyidagi tayinlovlar amalga oshirildi. Bu haqda Toshkent shahar hokimligi matbuot xizmati xabar berdi.
Toshkent shahar Olmazor tumani hokimligi Moliya bo‘limiga Olimjon Xalikulov mudir etib tayinlandi.
Olimjon Xalikulov 1975-yilda Qashqadaryo viloyatida tug‘ilgan.1997-yilda Toshkent Davlat Iqtisodiyot Universiteti, 2001-yilda O‘zbekiston Respublikasi Bank-moliya akademiyasini tamomlagan. Mutaxassisligi iqtisodchi, moliyachi.
Toshkent shahar Sergeli tumani hokimligi Moliya bo‘limiga Firdovsi Valixanov mudir etib tayinlandi.
Firdovsi Valixanov 1982-yilda Toshkent shahrida tug‘ilgan.2003-yilda Toshkent Davlat Iqtisodiyot Universitetini tamomlagan. Mutaxassisligi marketing.
Toshkent shahar Chilonzor tumani hokimligi Moliya bo‘limiga Damir Rajabov mudir etib tayinlandi.
Damir Rajabov 1981-yilda Qashqadaryo viloyatida tug‘ilgan.2002-yilda Toshkent moliya institutini bakalavr, 2005-yilda esa magistraturasini tamomlagan. Mutaxassisligi moliyachi, davlat mablag‘larini boshqarish.
Izoh (0)