O‘zbekiston 17 million dollar evaziga Qirg‘izistondan salkam 400 million kilovatt-soat elektr energiyasini import qildi. Bu haqda Qirg‘iziston Sanoat, energetika va qazilma boyliklardan foydalanish davlat qo‘mitasi raisi o‘rinbosari Aytmamat Qadirbayevning bayonotiga asoslanib, UzDaily xabar bermoqda.
Uning qayd etishicha, O‘zbekiston Qirg‘izistondan 2 sent bahosida 399 million kilovatt-soat elektr energiyasi sotib olgan.
Hozirgacha 17 million dollarlik elektr energiya eksport qilingan. O‘tgan yili Qirg‘iziston 754 million kilovatt-soat elektr energiya eksport qilishni rejalashtirgan edi, lekin amalda ko‘proq — 765 million kilovatt-soat elektr energiya eksport qilingan.
“2018-yilning bahorgi va yozgi davrida O‘zbekistonga 467 million kilovatt-soat elektr energiya eksport qilindi. Bizning hisob-kitoblarimiz bo‘yicha 500 million kilovatt-soat eksport qilish rejalashtirilgan edi, biroq 467 million kilovatt-soatga yetganidan so‘ng, eksport to‘xtatildi”, — dedi Qadirbayev.
Izoh (0)