Joriy yilning 22-oktabr kuni soat 12:00 larda Jondor tumani Gazli hududidan o‘tuvchi A-380 avtomobil yo‘lining 333 km da harakatlanib ketayotgan Lacetti rusumli, d/r 90 L 998 NA avtomobil boshqaruvni yo‘qotib, shu yo‘nalishda harakatlanib ketayotgan Isuzi rusumli d/r 90 N 209 LA yuk mashinasining orqa tomoniga kelib urgan. Bu haqda FVV matbuot xizmati xabar berdi.
To‘qnashuv natijasida Lacetti avtomobilida yong‘in chiqib, mashina ichidagi 4 nafar fuqaro vafot etgan.
Sodir bo‘lgan YTH yuzasidan dastlabki tergovoldi tekshiruv ishlari olib borilmoqda.