Фуқаролар йиғинлари раисларининг навбатдаги сайловлари 2019 йилнинг май ойига белгиланди. Фуқароларни ўзини ўзи бошқариш органларининг амалдаги раҳбарлари ваколатлари янги раислар сайлангунига қадар узайтирилди, бунда оқсоқоллар ваколатларининг янги муддати уч йилни ташкил қилади. Бу ҳақда «Norma.uz»га, «Газета.uz» хабар берди.
Бу ўзгариш «Фуқаролар йиғини раислари (оқсоқоли) сайловларини такомиллаштириш муносабати билан Ўзбекистон Республикасининг баъзи қонун ҳужжатларига ўзгартириш киритиш тўғрисида»ги ва «Фуқаролар йиғини раиси (оқсоқоли) сайлови тўғрисида»ги қонуннинг янги таҳририда назарда тутилган
Қонун ҳужжатларига кўра, фуқаролар йиғини ёки фуқаролар вакиллари йиғилишининг сайловларини ташкил қилиш ва ўтказиш, санаси, вақти ва ўтказиш жойи, бу лавозимга номзодлар ҳақидаги маълумотлар фуқароларнинг ўзини ўзи бошқариш органлари фаолиятини мувофиқлаштириш кенгашлари сайтида сайлов ўтказиш кунидан камида беш кун олдин эълон қилинади.
Фуқаролар йиғини раисини сайлашда овоз бериш жараёни қатъий равишда сайлов бюллетенларини тўлдириш орқали яшириш шаклда ўтказилади. Аввал яширин ва очиқ овоз бериш шаклларидан фойдаланилган.
Ҳовлилар, кўп қаватли уйлар ва кўчалардан сайловларга вакиллик меъёри аввалгидек шаҳар ёки вилоят комиссияди томонидан белгиланади, бироқ фуқаролар вакиллари сони сайловда иштирок этиш ҳуқуқига эга бўлган фуқаролар умумий сонининг 12 фоизидан кам бўлмаслиги керак.
Раисларни сайлаш учун ўрнатилган тартиб уларнинг маслаҳатчиларига қўлланилмайди. Маслаҳатчилар оқсоқоллар сайловлари натижаларига кўра бир ой давомида сайланади ва бир вақтнинг ўзида кенгаш, фаолиятнинг асосий турлари бўйича комиссиялар ва фуқаролар йиғинининг тафтиш комиссияси шакллантирилади.
Изоҳ (0)