Hozirda Londonda 423 ta masjid faoliyat ko‘rsatmoqda, 100 ta shariat sudi esa musulmonlarga nikoh masalalari, mol-mulk va meros masalalarida yordam ko‘rsatib kelmoqda. Bu haqda Saudi Gazette’ga tayanib, “Islom.uz” xabar berdi.
“Buyuk Britaniya poytaxti aholisining aksari musulmon bo‘lgan ko‘pgina mamlakatlarning poytaxtidan islomiyroqdir”, — deydi Mavlono Said Rizo Rizvi.
Londonning ayrim tumanlarida masjidlar cherkovlar bilan yonma-yon joylashgan. Masalan, 1230 kishiga mo‘ljallangan Avliyo Georgiy cherkoviga atigi o‘n ikki kishi keladi. Yaqin o‘rtada joylashgan masjid esa 100 kishiga mo‘ljallangan va har doim to‘la.
Taxminlarga ko‘ra, 2020-yilga kelib, Londonda masjidlarga boruvchilar soni 683 mingga yetadi, har haftalik ibodat uchun cherkovlarga boradiganlar soni esa 679 mingga tushishi kutilmoqda.
Izoh (0)