Pentagon beshinchi avlod F-35B qiruvchi samolyotining Afg‘onistonda o‘tkazilgan birinchi jangovar parvozining o‘tkazilganini rasman tasdiqladi. Samolyot parvoz vaqtida yerdagi nishonlarga muvaffaqiyatli zarba bergan. Bu haqda “RIA Novosti” xabar qildi.
AQSh dengiz piyodalarining Twitter’dagi sahifasida joylashtirilgan videoda dastlab bitta F-35 ning Essex universal desant kemasi palubasidan uchib ketgani aks etgan. Keyin samolyot palubaga vertikal qo‘nishni amalga oshirgan. Essex AQSh harbiy-dengiz kuchlarining beshinchi floti tarkibida Hind okeanining g‘arbiy qismida — Arabiston dengizi va Fors qo‘ltig‘ida harakat qiladi.
F-35B samolyotning uchta modifikatsiyasi orasida vertikal qo‘nish imkoniyatiga ega bo‘lgan yagonasi hisoblanadi, bundan tashqari, u uchib ketish uchun minimal masofani talab qiladi.
Izoh (0)