O‘zbekiston standartlashtirish, metrologiya va sertifikatlashtirish agentligi bosh direktori Dilshod Sattorov Facebook‘da rasmiy sahifasini ochdi. Bu haqda agentlik matbuot xizmati xabar bermoqda.
“Rasmiy sahifamga xush kelibsiz! Hurmatli do‘stlar, men sizlarni mamlakatimiz va dunyo miqyosida “O‘zstandart” agentligi tizimidagi dolzarb mavzular, yangiliklar, ma’lumotlar hamda ish faoliyatimiz bilan bog‘liq jarayonlardan ijtimoiy tarmoq yordamida keng ommani xabardor qilib borishni maqsad qildim.
Shu bilan birga, Sizning fikringiz, taklif va mulohazalaringiz men uchun judayam muhim. Sizlar bilan tezkor va to‘g‘ridan-to‘g‘ri muloqot qilishdan bag‘oyatda mamnunman”, — deyiladi agentlik bosh direktorining birinchi postida.
Ushbu sahifa orqali “O‘zstandart” agentligi bosh direktori Dilshod Sattorovga talab va takliflarni yuborish mumkin.
Ushbu sahifani yuritishdan maqsad aholi va tadbirkorlarda o‘z faoliyatlarida uchrayotgan muammolarga yechim topish hamda ular bilan yaqindan hamkorlik o‘rnatishdir.
Izoh (0)