Joriy yilning 26—27-sentabr kunlari Toshkentdagi “O‘zbekiston” xalqaro anjumanlar saroyida Igor Moiseyev nomidagi Rossiya davlat akademik xalq raqs ansamblining konserti bo‘lib o‘tadi. Bu haqda O‘zA xabar berdi.
Konsert dasturi jahon va Rossiya xalqlarining turfa raqslaridan iborat.
Igor Moiseyev nomidagi ansambl konsertiga tashrif buyuruvchilar mashhur jamoa tomonidan namoyish etiladigan Rossiya, Moldova, Argentina, Koreya va boshqa mamlakatlarning raqs madaniyati namunalari bilan tanishish imkoniyatiga ega bo‘ladi.
Toshkentda afsonaviy ansamblning chiqishlari O‘zbekiston bilan Rossiya o‘rtasidagi madaniy-gumanitar aloqalarni rivojlantirishga xizmat qiladi.
Ma’lumot uchun, raqs ansambli 1937-yilda xoreograf Igor Moiseyev tomonidan tashkil etilgan. Ansambl tomonidan namoyish etiladigan har bir raqs butun bir spektaklga o‘xshash. Jamoaning safarlar xaritasida 70 dan ortiq davlat bo‘lib, repertuarida esa 200 dan ziyod raqs mavjud.
Izoh (0)