Xalqaro maqom anjumanida ishtirok etgan Yaponiya delegatsiyasi O‘zbekiston davlat konservatoriyasida mahorat darsini o‘tmoqda, deb xabar beradi O‘zA.
Prezidentning 17-noyabrdagi “O‘zbek milliy maqom san’atini yanada rivojlantirish chora-tadbirlari to‘g‘risida”gi hamda 2018-yil 6-apreldagi “Xalqaro maqom san’ati anjumanini o‘tkazish to‘g‘risida”gi qarorlariga asosan Shahrisabz shahrida joriy yilning 6—10-sentabr kunlari “Xalqaro maqom san’ati anjumani” bo‘lib o‘tgan edi.
Unda 29 davlat vakillari maqomning turli yo‘nalishlarida o‘zaro bahslashdi. Anjuman tugagan bo‘lsa-da, uning shukuhi, ko‘tarinki kayfiyati hamon davom etmoqda.
Ayni vaqtda mazkur tadbirda ishtirok etgan Yaponiya delegatsiyasi vakillari O‘zbekiston davlat konservatoriyasining “Xalq cholg‘ulari” kafedrasi professor-o‘qituvchilari bilan hamkorlikda pedagoglar, sozandalar va talabalar uchun mahorat saboqlarini o‘tamoqda.
“Saboqlar milliy, xorijiy musiqa san’ati, rivoji, bir-biriga uyg‘un san’at turlari, sozlar xususida bormoqda. Amaliy ruhda tashkil etilgan mahorat saboqlari jarayonida musiqiy sozlardan kuylar ijro etilmoqda”, — deyiladi xabarda.
Izoh (0)