O‘zbekistondagi oliy ta’lim muassasalarida oshirilgan to‘lov-kontraktlarni to‘lash muddati ham uzaytirildi. Bu haqda Oliy va o‘rta maxsus ta’lim vazirligi matbuot xizmati xabar bermoqda.
“O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasining 2018-yil 17-sentabrdagi 9-sonli bayoniga muvofiq kirish imtihonlari natijasi bo‘yicha yetarli ball to‘plamagan va oshirilgan to‘lov-kontrakt asosida o‘qish istagini bildirgan abituriyentlarga to‘lov-kontrakt shartlarini bajarishning oxirgi muddati 2018-yil 31-oktabr etib belgilandi”, deyiladi xabarda.
Eslatib o‘tamiz, oldinroq O‘zbekistondagi OTMlarda to‘lov-kontraktni to‘lash muddati 30-sentabrga qadar uzaytirilgani ma’lum qilingandi.
Izoh (0)