Rossiyaning Il-20 samolyoti Suriya havo hujumiga qarshi mudofaa qo‘shiniga tegishli S-200 qiruvchi raketasi yordamida urib tushirildi. Bu haqda Rossiya mudofaa vazirligi rasmiy vakili general-mayor Igor Konashenkovning so‘zlariga asoslanib “Interfaks” xabar bermoqda.
“Rossiya samolyoti orqasiga yashiringan isroillik uchuvchilar uni Suriya havo hujumiga qarshi mudofaa qo‘shini o‘qiga tutib berdi. Natijada esa F-16’dan ko‘ra bir necha bor samarali qoplamaga ega Il-20 S-200 majmuasiga ega raketa yordamida urib tushirildi”, — deydi Igor Konashenkov.
Uning so‘zlariga ko‘ra, 17-sentabr kuni soat 22:00 atrofida Isroil harbiy-havo kuchlarining to‘rtta F-16 samolyoti Latakiya shahridagi Suriya obyektlari bo‘yicha boshqariladigan aviatsion bombalarga zarba berdi.
“Nishonga olish O‘rtayer dengizi tomondan o‘rta balandlikda amalga oshirildi”, — deyiladi xabarda.
“Isroil samolyotlari bila turib ushbu hududdagi kema va havo kemalari uchun xavfli vaziyatni yuzaga keltirdi. Bomba otish Fransiyaning ‘Overn’ fregati va Rossiyaning qo‘nishga tayyorlanayotgan Il-20 samolyotiga yaqin joydan amalga oshirildi”, — deydi Igor Konashenkov.
Qayd etilishicha, samolyotning urib tushirilishi oqibatida 15 nafar rossiyalik harbiy xizmatchi halok bo‘lgan.
Il-20 qulagan hududda qidiruv-qutqaruv ishlari amalga oshirilmoqda.
Izoh (0)