Pxenyanda Janubiy Koreya prezidenti Mun Chje In va Shimoliy Koreya yetakchisi Kim Chen In ishtirokidagi uchinchi sammit ochildi, deb yozadi “Liga.Novosti”. Janubiy Koreya prezidenti 11 yil ichida birinchi marta KXDRga tashrif buyurdi.
Mun Chje In va rafiqasini Pxenyanda Kim Chen In va uning rafiqasi kutib oldi. Kim va Mun bitta avtomobilda faxrli mehmonlar uchun “Pekxvavon” qarorgohiga yetib keldi. Ularning rafiqalari birgalikda alohida mashinada keldi.
Uch kunlik sammitda asosan KXDR yadro-raketa dasturi va Koreyalararo nizoni tartibga solish masalasi muhokama qilinishi taxmin etilmoqda. Shuningdek, Mun Pxenyan va Vashingtonning muloqotiga ta’sir o‘tkazmoqchi.
Izoh (0)