AQSh hukumati fikricha, Iroqning Basra shahridagi tartibsizliklar va Amerika diplomatik vakolatxonasiga hujum uchun Eron javobgar. Oq uy amerikalik diplomatlarga hujum qilingan taqdirda, Tehronga “tezkor va qat’iy” javob bilan tahdid qildi, deb yozadi “Korrespondent.net”.
“So‘nggi bir necha kun mobaynida biz Iroqda odamlar hayotiga xavf soluvchi hujumlarni kuzatdik, ular shu jumladan, AQShning Basradagi konsulligiga va Bag‘doddagi elchixonasiga qarshi qaratilgan edi. Eron o‘zi moliyaviy qo‘llab-quvvatlaydigan, tayyorlaydigan va qurol bilan ta’minlaydigan gumashtalarini to‘xtatish uchun hech qanday chora ko‘rmadi”, — deyiladi Oq uy bayonotida.
Basrada 3-sentabrdan buyon ommaviy tartibsizliklar davom etmoqda. Shu kunlar ichida minglab namoyishchilar rasmiylardan shaharga toza ichimlik suvi yetkazib berish bilan bog‘liq vaziyatni yaxshilashni talab qilmoqda. Namoyishlar kuch tuzilmalari bilan to‘qnashuvlarga ham aylanib ketmoqda.
Izoh (0)