Avstraliyada Pol va Vilma Adamslar oilasi internet orqali Yangi Zelandiya flotining sobiq harbiy kemasini sotib oldi. Bundan ko‘zlangan maqsad Tinch okeani suvlarini cho‘kkan kemalarning oqib chiqqan yoqilg‘isidan himoya qilish bo‘yicha ekologik loyihani amalga oshirish hisoblanadi. Bu haqda “Korrespondent.net” xabar berdi.
Cho‘kkan kemadan mazut oqib chiqayotganini ko‘rgan oila bu muammoni yechish uchun kurashishga qaror qilgan. Ular uzoq vaqt bu missiya uchun mos kemani izlagan va Yangi Zelandiya harbiy-dengiz flotining xizmatdan olingan Manawanuin kemasiga duch kelgan.
Kema ochiq dengizda suvga shong‘ish operatsiyalari uchun mo‘ljallangan. U maxsus sho‘ng‘ish va yuk ko‘tarish qurilmalari bilan jihozlangan.
Oila kema uchun bir necha yuz ming dollar to‘lagan va uni Tasman bo‘g‘ozi orqali o‘zlari yashaydigan Avstraliyaning Nyukasl shahriga olib kelgan.
Adamslar kemadan Ikkinchi jahon urushi vaqtida Tinch okeanining janubiy qismida cho‘kkan yapon kemalarining yoqilg‘isidan suvni tozalashda foydalanishni rejalashtirmoqda.
Izoh (0)