2018/2019-oʻquv oʻquv yilidan Oʻzbekiston yangi taʼlim standartlarini joriy etishni rejalashtirmoqda. Bu haqda XPK sessiyasida Xalq taʼlimi vaziri Sherzod Shermatov maʼlum qildi, deya xabar beradi Sputnik.
Vazir zamonaviy maktab oʻquv dasturlari toʻlaligicha zamon talablariga mos holda koʻrib chiqilishi kerakligini taʼkidladi. Ayni vaqtda vazirlik YuNISЕF xalqaro tashkiloti bilan ish boshlagan.
“Ular bizga oʻz ekspertlarini bergan. Shuningdek, boshqa xalqaro tashkilotlardan ham mutaxassislarni jalb etganmiz. Ekspertlar guruhi taʼlim standartlarimizni toʻliq qaytadan koʻrib chiqadi. Keyin darsliklar va darsliklarga qoʻyiladigan talablar ishlab chiqiladi. Taʼlim standarti oʻzgarishi darsliklarning ham oʻzgarishiga olib keladi”, — dedi vazir.
Shermatovning aytishicha, darsliklar masalasida “qaytadan velosiped ixtiro qilish”ning hojati yoʻq.
Jahonda ingliz tili, matematika, fizika va boshqa fanlardan juda koʻplab yaxshi darsliklar mavjud. Ularni Oʻzbekiston uchun adaptatsiya qilish mumkin, dedi Xalq taʼlimi vaziri.
Shermatovga koʻra, yangi taʼlim standartlariga oʻtish bu katta mehnat va vaqt talab qiladigan jarayon. Shu bois u bosqichma-bosqich amalga oshiriladi va ushbu oʻzgarishlar keyingi oʻquv yilidan joriy etilishni boshlaydi.
Izoh (0)