Tashkent City hududida Hilton mehmonxonasi ochiladi. Bu haqda Tashkent City XIM Direksiyasi matbuot xizmati ma’lum qildi, deb yozadi Spot.
Lotlardan biri (5-raqamli) Kongress-xoll va balandligi 20 qavatli bo‘lgan Hilton brendidagi besh yulduzli mehmonxona barpo etilishini ko‘zda tutadi. Unda 5 xil kategoriyadagi 250 ta xona bo‘ladi. Mehmonxona maydoni — 49 ming kvadrat metr.
Lot ma’muriyati Hilton bilan franshiza shartnomasini imzolash arafasida ekanligi ma’lum qilinmoqda.
Mazkur uchastkada qurilish ishlarini 2019-yil yakuniga tugatish rejalashtirilgan.
Hilton — Hilton Worldwide korporatsiyasiga qarashli bo‘lgan mehmonxonalar va kurortlarning xalqaro tizimi.
Izoh (0)