Buyuk Britaniyada qamoqxonalardan birining mahbusiga muassasa xodimi tomonidan yo‘qotilgan jurnal uchun 57 pens (13-avgust kursi bo‘yicha, taxminan 5666 so‘m) tovon to’landi. Bu haqda Press Association ma’lumotlariga tayanib, Meduza xabar berdi.
Agentlik tomonidan mamlakat adliya vazirligidan olingan ma’lumotlarga ko‘ra, 2013—2018-yillarda qamoqxonalar yo‘qolgan narsalar uchun 13 mingta holat bo‘yicha bir million funt sterlingdan ortiq mablag‘ sarflagan.
Qachon va kimga yo‘qolgan jurnal uchun yarim funt sterling to‘langani noma’lum. Press Association tomonidan aytilishicha, sport kiyimi uchun 10 funt, futbolka uchun 3 funt, soat uchun 10 funt, DVD-pleyer uchun 68,99 funt va magnitola uchun 150 funt to‘langan.
Izoh (0)