Буюк Британияда қамоқхоналардан бирининг маҳбусига муассаса ходими томонидан йўқотилган журнал учун 57 пенс (13 август курси бўйича, тахминан 5666 сўм) товон тўланди. Бу ҳақда Press Association маълумотларига таяниб, Meduza хабар берди.
Агентлик томонидан мамлакат адлия вазирлигидан олинган маълумотларга кўра, 2013—2018 йилларда қамоқхоналар йўқолган нарсалар учун 13 мингта ҳолат бўйича бир миллион фунт стерлингдан ортиқ маблағ сарфлаган.
Қачон ва кимга йўқолган журнал учун ярим фунт стерлинг тўлангани номаълум. Press Association томонидан айтилишича, спорт кийими учун 10 фунт, футболка учун 3 фунт, соат учун 10 фунт, DVD-плеер учун 68,99 фунт ва магнитола учун 150 фунт тўланган.
Изоҳ (0)