Toshkent shahridagi Sky Chess Camp — bolalar shaxmat maktabi 15—25-avgust kunlari Burchmulla, Chorvoq qirg‘og‘ida joylashgan Happy Summer majmuasida yosh shaxmatchilar oromgohini tashkil etadi. Unda toza havoda dam olish, har kun basseynda cho‘milish kabi dam olishdan tashqari asosiy e’tibor shaxmatga oid mashg‘ulotlar o‘tishga qaratiladi.
Shu bilan yozgi dam olish — bolalarning esda qolarli, foydali mashg‘ulotlari bilan uyg‘unlashadi. Axir har doim ham O‘zbekiston, Qozog‘iston va Tojikistonning eng kuchli grossmeysterlari hamda mutaxassislari bilan mashg‘ulotlar o‘tkazish, ularning yonida 10 kun davomida shaxmatga oid foydali maslahatlar olish imkoniyati bo‘lavermaydi.
Sky Chess oromgohida shaxmatga qiziqadigan, 8 yosh va undan katta bolalar qatnashishi mumkin. 8 yoshdan kichik bolalar esa yoshi katta qarindosh yoki kuzatuvchilari bilan borishlariga ruxsat beriladi. Shuningdek, bolalarning ota-onalari ham farzandlari bilan oromgohda dam olish uchun imkoniyat mavjud.
- Ishtirok etish uchun hujjatlar 10-avgustgacha qabul qilinadi. Batafsil ma’lumot olish yoki ro‘yxatga yozilishni istasangiz, Sky Chess Camp qabul bo‘limiga qo‘ng‘iroq qiling: +998(71) 120-00-25
- Shuningdek, shaxmat maktabining o‘ziga ham tashrif buyurishingiz mumkin: Toshkent shahri, Poytaxt biznes majmuasi, 9-qavat.
Oromgoh to‘lovi: Bolalar uchun 2 500 000 so‘m, kuzatib boruvchi ota-onalar uchun esa 1 590 000 so‘mni tashkil etadi.
Mashg‘ulotlar jadvali:
| 07:00 — 08:00 | Uyqudan turish |
| 08:00 — 09:00 | Nonushta |
| 09:00 — 11:30 | Mashg‘ulotlar |
| 11:30 — 13:00 | Basseynda cho‘milish |
| 13:00 — 14:00 | Tushlik |
| 14:00 — 16:00 | Dam olish |
| 16:00 — 18:30 | Mashg‘ulotlar |
| 19:00 — 20:00 | Kechki ovqat |
| 20:00 | Shaxmat partiyalari |
Oromgoh murabbiylari haqida qisqacha ma’lumot bilan quyida tanishishingiz mumkin:
Murtas Muratovich Kajgaleyev – qozog‘istonlik shaxmatchi, grossmeyster.
Milliy terma jamoa tarkibida 7 marta Olimpiada ishtirokchisi (1996-2000, 2008-2012, 2016-yillar). 2006-yil Dohada o‘tkazilgan Yozgi Osiyo o‘yinlarida tezkor shaxmat bo‘yicha chempion. 2006—2009-yillarda Parijdagi ochiq chempionat, 2009-yil blitz bo‘yicha Fransiyadagi ochiq chempionatlar g‘olibi. 2015-yilda Qozog‘iston chempioni.
Saidali Aripovich Yo‘ldashev — o‘zbekistonlik shaxmatchi, grossmeyster.
O‘zbekiston chempioni, 1992-yil Manilada o‘tkazilgan Xalqaro Olimpiadaning kumush medali sovrindori. O‘zbekistonning faxriy sportchisi unvoni bilan taqdirlangan.
Yegin Vladimir Nikolayevich — ayollar terma jamoasi murabbiyi, xalqaro master.
Bir necha karra O‘zbekiston chempioni.
Nafisa Mo‘minova — xalqaro grossmeyster.
O‘zbekistonlik shaxmatchi ayollardan birinchi bo‘lib xalqaro grossmeyster unvonini qo‘lga kiritgan. Bir necha karra O‘zbekiston va Markaziy Osiyo chempioni. Sky Chess shaxmat maktabi asoschisi.
Hulkar Tohirjonova — FIDE ustasi.
Ayollar o‘rtasida O‘zbekiston chempioni. Shaxmat bo‘yicha O‘zbekiston va Osiyo chempionlari murabbiyi. Sky Chess shaxmat maktabi asoschisi.
Gulruhbegim Tohirjonova – xalqaro gorssmeyster.
Blitz, rapid hamda klassik shaxmat bo‘yicha Osiyoning 20 yoshgacha bo‘lgan qizlari o‘rtasida mutlaq chempion. O‘zbekistonning yoshlari va ayollar o‘rtasida bir necha karra chempion, Osiyo yoshlari o‘rtasida chempion, jahon chempionatining bronza medali sovrindori.
Jo‘rayev Soyib – FIDE ustasi.
Uch karra O‘zbekiston chempioni, uch karra Tojikiston oliy ligasi chempioni, Xalqaro shaxmat Olimpiadalari ishtirokchisi (2008-yil Germaniyada, 2010-yil Rossiyada, 2012-yil Turkiyada). Bir necha karra Jahon hamda Osiyo chempionatlarida qatnashgan.
- Manzil: Toshkent shahri, Poytaxt biznes majmuasi, 9-qavat;
- Mo‘ljal: Mustaqillik maydoni, Alisher Navoiy nomidagi kutubxona, Hyatt mehmonxonasi;
- Batafsil ma’lumot uchun telefon: +998(71) 120-00-25
- Sayt: skychess.uz
- Email: skychess@mail.ru
Izoh (0)