Тошкент шаҳридаги Sky Chess Camp — болалар шахмат мактаби 15—25 август кунлари Бурчмулла, Чорвоқ қирғоғида жойлашган Happy Summer мажмуасида ёш шахматчилар оромгоҳини ташкил этади. Унда тоза ҳавода дам олиш, ҳар кун бассейнда чўмилиш каби дам олишдан ташқари асосий эътибор шахматга оид машғулотлар ўтишга қаратилади.
Шу билан ёзги дам олиш — болаларнинг эсда қоларли, фойдали машғулотлари билан уйғунлашади. Ахир ҳар доим ҳам Ўзбекистон, Қозоғистон ва Тожикистоннинг энг кучли гроссмейстерлари ҳамда мутахассислари билан машғулотлар ўтказиш, уларнинг ёнида 10 кун давомида шахматга оид фойдали маслаҳатлар олиш имконияти бўлавермайди.
Sky Chess оромгоҳида шахматга қизиқадиган, 8 ёш ва ундан катта болалар қатнашиши мумкин. 8 ёшдан кичик болалар эса ёши катта қариндош ёки кузатувчилари билан боришларига рухсат берилади. Шунингдек, болаларнинг ота-оналари ҳам фарзандлари билан оромгоҳда дам олиш учун имконият мавжуд.
- Иштирок этиш учун ҳужжатлар 10 августгача қабул қилинади. Батафсил маълумот олиш ёки рўйхатга ёзилишни истасангиз, Sky Chess Camp қабул бўлимига қўнғироқ қилинг: +998(71) 120-00-25
- Шунингдек, шахмат мактабининг ўзига ҳам ташриф буюришингиз мумкин: Тошкент шаҳри, Poytaxt бизнес мажмуаси, 9-қават.
Оромгоҳ тўлови: Болалар учун 2 500 000 сўм, кузатиб борувчи ота-оналар учун эса 1 590 000 сўмни ташкил этади.
Машғулотлар жадвали:
| 07:00 — 08:00 | Уйқудан туриш |
| 08:00 — 09:00 | Нонушта |
| 09:00 — 11:30 | Машғулотлар |
| 11:30 — 13:00 | Бассейнда чўмилиш |
| 13:00 — 14:00 | Тушлик |
| 14:00 — 16:00 | Дам олиш |
| 16:00 — 18:30 | Машғулотлар |
| 19:00 — 20:00 | Кечки овқат |
| 20:00 | Шахмат партиялари |
Оромгоҳ мураббийлари ҳақида қисқача маълумот билан қуйида танишишингиз мумкин:
Муртас Муратович Кажгалеев – қозоғистонлик шахматчи, гроссмейстер.
Миллий терма жамоа таркибида 7 марта Олимпиада иштирокчиси (1996—2000, 2008—2012, 2016 йиллар). 2006 йил Доҳада ўтказилган Ёзги Осиё ўйинларида тезкор шахмат бўйича чемпион. 2006—2009 йилларда Париждаги очиқ чемпионат, 2009 йил блитз бўйича Франциядаги очиқ чемпионатлар ғолиби. 2015 йилда Қозоғистон чемпиони.
Саидали Арипович Йўлдашев — ўзбекистонлик шахматчи, гроссмейстер.
Ўзбекистон чемпиони, 1992 йил Манилада ўтказилган Халқаро Олимпиаданинг кумуш медали совриндори. Ўзбекистоннинг фахрий спортчиси унвони билан тақдирланган.
Егин Владимир Николаевич — аёллар терма жамоаси мураббийи, халқаро мастер.
Бир неча карра Ўзбекистон чемпиони.
Нафиса Мўминова — халқаро гроссмейстер.
Ўзбекистонлик шахматчи аёллардан биринчи бўлиб халқаро гроссмейстер унвонини қўлга киритган. Бир неча карра Ўзбекистон ва Марказий Осиё чемпиони. Sky Chess шахмат мактаби асосчиси.
Ҳулкар Тоҳиржонова — FIDE устаси.
Аёллар ўртасида Ўзбекистон чемпиони. Шахмат бўйича Ўзбекистон ва Осиё чемпионлари мураббийи. Sky Chess шахмат мактаби асосчиси.
Гулруҳбегим Тоҳиржонова – халқаро горссмейстер.
Блитз, рапид ҳамда классик шахмат бўйича Осиёнинг 20 ёшгача бўлган қизлари ўртасида мутлақ чемпион. Ўзбекистоннинг ёшлари ва аёллар ўртасида бир неча карра чемпион, Осиё ёшлари ўртасида чемпион, жаҳон чемпионатининг бронза медали совриндори.
Жўраев Сойиб – FIDE устаси.
Уч карра Ўзбекистон чемпиони, уч карра Тожикистон олий лигаси чемпиони, Халқаро шахмат Олимпиадалари иштирокчиси (2008 йил Германияда, 2010 йил Россияда, 2012 йил Туркияда). Бир неча карра Жаҳон ҳамда Осиё чемпионатларида қатнашган.
- Манзил: Тошкент шаҳри, Poytaxt бизнес мажмуаси, 9-қават;
- Мўлжал: Мустақиллик майдони, Алишер Навоий номидаги кутубхона, Hyatt меҳмонхонаси;
- Батафсил маълумот учун телефон: +998(71) 120-00-25
- Сайт: skychess.uz
- Email: skychess@mail.ru
Изоҳ (0)