O‘zbekiston Oliy va o‘rta maxsus ta’lim vazirligida Afg‘oniston prezidentining ilm-fan masalalari bo‘yicha bosh maslahatchisi La’l Pacha Azmun bilan rasmiy uchrashuv bo‘lib o‘tdi. Bu haqda O‘zA xabar bermoqda.
Qayd etilishicha, uchrashuvda ikki davlat o‘rtasida ilm-fan sohasidagi o‘zaro hamkorlikni yanada rivojlantirish, jumladan, ilmiy-tadqiqot faoliyatini tashkil etish, oliy o‘quv yurtlari o‘rtasida ikki tomonlama tajriba almashishni yo‘lga qo‘yish kabi masalalar muhokama qilingan.
“Bu hamkorlik yaqin qo‘shnichilik munosabatlarini yanada mustahkamlash, iste’dodli, bilimli yigit-qizlarning ilmiy salohiyatini yanada yuksaltirishda muhim omil bo‘ladi”, — deyiladi agentlik xabarida.
Izoh (0)