Bulung‘ur tumani Samarqand mahallasi Uvaysiy ko‘chasi 128-uyda yashovchi Yo‘ldosh bobo Normatov mana yetti-sakkiz yildirki hovlisidagi hammomda yashab kelmoqda. Xo‘sh, bunga nimalar sabab bo‘lgan? “Yoshlar” telekanali muxbiri voqeaga oydinlik kiritish maqsadida muammoning asl sabablarini o‘rgandi.
Yo‘ldosh Boboning aytishicha yashash uchun uyi bor. Ammo, qo‘shnisining darvozaxonasi bilan bir devor bo‘lib qolgan bu xonalarda yashashning imkoni yo‘q. Suhbat jarayonida bobo qariganda shovqin-surondan uzoq bo‘lishni istayman degan gapni ham qistirib o‘tdi. Aytishiga qaraganda qo‘shnisi kech kelib sahar ishga ketar ekan uning mashinasi va darvozaning shovqini chol-kampirni bezovta qilar ekan. Shuning uchun tinchimni o‘ylab hammomda yashash sharoitimni qilib oldim deydi bobo.
Ammo bu sharoit ham hamin qadar. Yo‘ldosh bobo bu muammo bilan bir necha bor fuqarolik ishlari bo‘yicha Jomboy tumanlararo sudiga murojaat etgan. Birinchi marotaba 2010-yilda etilgan murojaat boboning foydasiga hal etilgan. Ikkinchi bor kassatsiya tariqasida 2011-yildagi sud qarorida ham Yo‘ldosh boboning da’volari qanoatlantirilgan. Qo‘shnisi shu masala bo‘yicha murojaat etganda uning ham da’volari qanoatlantirilgan. Mana shu tushunmovchilik ikki qo‘shni o‘rtasidan ola mushuk o‘tishiga sabab bo‘lgan.
Biri mening qonuniy haqim bor desa, ikkinchisi yo‘q deb kelmoqda. Oqibatda bobo o‘z kampiri bilan og‘ir bir sharoitda yashab kelmoqda.
“Yangi davr” muxbiri kelishmovchilikning asl sababi, va kim haq kim nohaq ekanligiga oydinlik kiritish maqsadida Yo‘ldosh bobo Normatovning qo‘shnisi hovlisiga o‘tib vaziyatni o‘rgandi. Uy egasining iddao qilishicha, hamma hujjatlarini qonuniy qilganligi, tuman muttasaddilari tegishli tashkilotlarning roziligi bilan bu qurilishni boshlaganini bildirdi. Jurnalist ko‘zdan kechirish uchun biror bir hujjat so‘raganda, uy egasi taqdim qila olmagan. Xo‘sh, muammo bor ekan, tegishli tashkilotlar, muttasaddi idora vakillari bunga qanday choralarini ko‘rmoqda?
Ayni paytda “Yangi Davr” muxbiri tegishli mutasaddilar bilan uchrashib muammoning asl sabablarini o‘rganmoqda. Bu haqda batafsil “Yangi Davr”da tez fursatda maxsus lavha efirga uzatiladi.
Izoh (0)