Toshkentdagi Maxtumquli, Temur Malik, Parkent ko‘chalari va Ohangaron shossesi chorrahasida (sobiq “TAPOiCh”, Korzinka.uz “Aviator” supermarketi) uch qavatli transport bog‘lamasi qurilishi munosabati bilan aylanib o‘tish tashkillashtiriladi. Bu haqda “Gazeta.uz” xabar bermoqda.
“Ko‘prikqurilish” tresti boshqaruvchisi Zafar Mahamatovning nashrga xabar qilishicha, chorraha uch bosqichda yopiladi — u dushanba (30-iyul) kuni boshlanib, chorshanba (1-avgust) kuni yakunlanadi.
Qurilish joyini aylanib o‘tish uchun vaqtinchalik yo‘llar quriladi, ikki joyda transport oqimini boshqarish uchun vaqtinchalik svetoforlar ishlaydi, shu yo‘l bilan transportning uzluksiz harakati ta’minlanadi.
Aylanib o‘tish sxemasi kattalashtirilgan hajmda
Toshkent hokimiyati va IIBB 30-iyul, dushanba kuni haydovchilarni chorraha yopilishi to‘g‘risida ogohlantirmagani sababli chorrahada tirbandliklar vujudga keldi.
Izoh (0)