Булунғур тумани Самарқанд маҳалласи Увайсий кўчаси 128-уйда яшовчи Йўлдош бобо Норматов мана етти-саккиз йилдирки ҳовлисидаги ҳаммомда яшаб келмоқда. Хўш, бунга нималар сабаб бўлган? «Ёшлар» телеканали мухбири воқеага ойдинлик киритиш мақсадида муаммонинг асл сабабларини ўрганди.
Йўлдош Бобонинг айтишича яшаш учун уйи бор. Аммо, қўшнисининг дарвозахонаси билан бир девор бўлиб қолган бу хоналарда яшашнинг имкони йўқ. Суҳбат жараёнида бобо қариганда шовқин-сурондан узоқ бўлишни истайман деган гапни ҳам қистириб ўтди. Айтишига қараганда қўшниси кеч келиб саҳар ишга кетар экан унинг машинаси ва дарвозанинг шовқини чол-кампирни безовта қилар экан. Шунинг учун тинчимни ўйлаб ҳаммомда яшаш шароитимни қилиб олдим дейди бобо.
Аммо бу шароит ҳам ҳамин қадар. Йўлдош бобо бу муаммо билан бир неча бор фуқаролик ишлари бўйича Жомбой туманлараро судига мурожаат этган. Биринчи маротаба 2010 йилда этилган мурожаат бобонинг фойдасига ҳал этилган. Иккинчи бор кассация тариқасида 2011 йилдаги суд қарорида ҳам Йўлдош бобонинг даъволари қаноатлантирилган. Қўшниси шу масала бўйича мурожаат этганда унинг ҳам даъволари қаноатлантирилган. Мана шу тушунмовчилик икки қўшни ўртасидан ола мушук ўтишига сабаб бўлган.
Бири менинг қонуний ҳақим бор деса, иккинчиси йўқ деб келмоқда. Оқибатда бобо ўз кампири билан оғир бир шароитда яшаб келмоқда.
«Янги давр» мухбири келишмовчиликнинг асл сабаби, ва ким ҳақ ким ноҳақ эканлигига ойдинлик киритиш мақсадида Йўлдош бобо Норматовнинг қўшниси ҳовлисига ўтиб вазиятни ўрганди. Уй эгасининг иддао қилишича, ҳамма ҳужжатларини қонуний қилганлиги, туман муттасаддилари тегишли ташкилотларнинг розилиги билан бу қурилишни бошлаганини билдирди. Журналист кўздан кечириш учун бирор бир ҳужжат сўраганда, уй эгаси тақдим қила олмаган. Хўш, муаммо бор экан, тегишли ташкилотлар, муттасадди идора вакиллари бунга қандай чораларини кўрмоқда?
Айни пайтда «Янги Давр» мухбири тегишли мутасаддилар билан учрашиб муаммонинг асл сабабларини ўрганмоқда. Бу ҳақда батафсил «Янги Давр»да тез фурсатда махсус лавҳа эфирга узатилади.
Изоҳ (0)