O‘zbekistondagi eng ommabop internet-nashrda ishlashni xohlaysizmi?
Dunyo va O‘zbekistondagi so‘nggi yangiliklarni o‘z tengqurlaringizga muntazam yetkazishni-chi?
Biz ishga olmoqchi bo‘lgan jurnalist va muharrirlar oldiga qo‘yiladigan vazifalar:
- “Daryo” internet-nashri uchun xabar va mualliflik maqolalari yozish;
- “Daryo” jurnalistlari tayyorlagan xabarlarni chop etilishidan avval tekshirish (musahhih sifatida), tahrir qilish (muharrir sifatida);
- “Daryo” jurnalistlari tayyorlagan tarjima xabarlaridagi faktlarni chop etilishidan avval manba bilan qiyoslab tekshirish;
- va boshqa internet-jurnalistikaga bog‘liq vazifalar.
- Oylik: raqobatbardosh, kelishuv asosida;
- Yangi, zamonaviy kompyuter;
- Yosh, qiziqarli, xushchaqchaq jamoa;
- Bepul, mazali tushlik (bay-bay-bay);
- Ofisimiz shaharning qoq markazida (“Hamid Olimjon” metro bekati yonida);
- Rasmiy mehnat shartnomasi.
- O‘zbek va rus tillarini mukammal bilish (ingliz tilini ham bilish — nur ustiga nur);
- Lotin grafikasiga asoslangan o‘zbek yozuvini mukammal bilish;
- Kirill grafikasiga asoslangan o‘zbek yozuvini mukammal bilish;
- Yoshingiz: 18-40 o‘rtasida;
- Ma’lumotingiz: ahamiyatsiz;
- Kompyuterda bemalol ishlash;
- Toshkent shahri yoki Toshkent viloyati propiskasi (vaqtincha propiska ham bo‘laveradi).
Saytimizdan 10 ta imloviy, uslubiy xatoni topib Microsoft Word formati yoki skrinshot holatida, rezyumengiz bilan birga info@simple.uz elektron manziliga yuboring. Rezyumesiz xatlar qabul qilinmaydi va ularga javob berilmaydi.
“Daryo” nashri haqida
“Daryo” internet-nashri Simple Networking Solutions MChJga tegishlidir. Kompaniya 2011-yilda tashkil topgan bo‘lib, hozirda “Muloqot” ijtimoiy tarmog‘i, “Daryo” internet-nashri va boshqa saytlarni yuritadi.
“Daryo” nashriga bir oyda 1,5 milliondan ortiq kishi tashrif buyuradi. “Daryo” O‘zbekistondagi eng ommabop onlayn-OAV bo‘lib, 2014-yil o‘tkazilgan Milliy UZ domeni internet festivalida ushbu ko‘rsatkich alohida e’tirof etilgan.
Izoh (0)