Rossiya prezidenti Vladimir Putin 16-iyul kuni Xelsinkida AQSh yetakchisi Donald Tramp bilan bo‘lib o‘tgan uchrashuvda Ukraina sharqidagi nizolarni hal qilish uchun Donbassda referendum o‘tkazishni taklif qilgan. Bu haqda Putin rossiyalik diplomatlarga sammitdan uch kun keyin gapirib bergan, deb yozadi Bloomberg uchrashuvda bo‘lgan manbalariga tayanib.
Putin Donbassning statusi haqidagi referendumni xalqaro kuzatuvchilar rahbarligida o‘tkazishni taklif etgan. Keyinroq Tramp sammitda erishilgan “katta muvaffaqiyat” haqida yozgan.
Referendum haqidagi taklif Putin va Trampning qo‘shma matbuot anjumanida tilga olinmadi, chunki AQSh prezidenti Moskvaning taklifi haqida o‘ylab ko‘rishni va bu haqda hozircha ommaga oshkor qilmaslikni so‘ragan. AQSh ma’muriyati bu axborotga tezkorlik bilan izoh bera olmadi. Rossiya prezidenti matbuot kotibi esa masalani izohlab o‘tirmadi, shunchaki Tramp bilan uchrashuvda “ba’zi yangi g‘oyalar muhokama qilingani” va ular hali “ko‘rib chiqilishi”ni ta’kidladi.
Izoh (0)