Samarqand viloyati hokimi vazifasini bajaruvchi E.Turdimov aholining fikr-mulohazalari, ularni qiynayotgan muammolarini o‘rganib borish maqsadida Telegram kanalini (+99897-405-40-06) tashkil qildi. Bu haqida viloyat hokimi Xalq deputatlari Samarqand viloyat Kengashining 54-sessiyasida ma’lum qildi, deb xabar bermoqda “Daryo” muxbiri Farhod Norbo‘tayev.
Viloyatning barcha tashkilotlari endilikda ijtimoiy tarmoqlar orqali profil tashkil qilib xalqni qiynayotgan muammolarni bevosita o‘rganib borish lozimligini bildirib o‘tdi.
— Biz ochiqlik siyosatini olib boryapmiz. Hech kimdan hech narsani yashirmaymiz, deydi viloyat hokimi vazifasini bajaruvchi E.Turdimov. Endilikda viloyatning har bir rahbari xalqqa hisobot beradi.
Xususan, haftaning har payshanba kunlari tashkilot rahbarlari, yakshanba kunlari tuman va shahar hokimlari televideniye orqali chiqish qilib, xalqqa hisobot berilishi belgilab qo‘yildi.
Izoh (0)