O‘zbekiston moliya vazirining sobiq o‘rinbosari Vil Beganov 80 yoshida vafot etdi. Bu haqda Moliya vazirligi ma’lum qildi.
Vil Savelyevich 1937-yilda tavallud topgandi. Umrining 35 yili Moliya vazirligi tizimi bilan bevosita bog‘liq bo‘ldi.
Faoliyatini 1961-yildan boshlab, nazoratchi-taftishchilikdan vazir o‘rinbosarigacha bo‘lgan vazifalarda ishladi.
Mustaqillikning ilk kunlarida Moliya vaziri o‘rinbosari, keyinchalik Davlat soliq qo‘mitasi raisi o‘rinbosari lavozimlarida samarali mehnat qildi. Ko‘plab shogirdlar yetishtirdi.
Vil Beganov “Mehnat shuhrati” medali bilan taqdirlangandi.
Izoh (0)