Hatto eng yuqori texnologiyali loyihada ham ko‘ngil bo‘ladi. Uni asrash, o‘stirish va kuchli qilish zarurdir. Zamonaviy dunyoda global megapolisning yurak urishi aniq va ravshan eshitilib turishi va sezilishi kerak.
Tashkent City xalqaro ishbilarmonlik markazi (XIM) bunga alohida e’tibor qaratmoqda. Innovatsion va yuqori texnologiyali loyiha o‘z ichiga ushbu muhim vazifani, ya’ni madaniy merosni saqlashni ham qamrab olgan. Bu yerga kelgan barcha avlod vakillari bundan bahramand bo‘lishlari kerak. Sababi buyuk ajdodlar haqidagi xotira va qadriyatlarni saqlash millat ko‘zgusidir.
Afsuski, xozirgi vaqtda ko‘plab madaniy obyektlar ko‘rimsiz holatda, boz ustiga, ko‘p quruvchilar ularni inobatga olmagan holda, joylarda qurilish ishlarini boshlab yuborishmoqda.
Ammo Tashkent City XIMda holat boshqacha — Arxitektor va loyihachilar ushbu joylarni o‘rganishganda joylarda XIX-XX asrga tegishli ikki madaniy meros borligi aniqlandi. Mutaxassislar ushbu obyektlarni juda nochor holatda aniqlashdi. Mahalliy aholi bu obyektlarning mavjudligidan bexabar edi. Xulosa qilib aytganda, ular unutilgan joylar edi.
Masalan, birinchi obyekt “O‘qchi” mahallasida joylashgan bo‘lib, bu yerda “Eshonzodalar” avlodining to‘rtta vakili dafn etilgan ekan. Ularning vakili Ahmad Eshon Shoshiy Qoratoshiy nafaqat shoir, balki ko‘plab g‘azallar muallifi bo‘lgan, shuningdek u Qur’onni o‘zbek tiliga tarjima qilgan shaxslardan biri. Hozirda muallif qo‘lyozmalari O‘zbekiston Musulmonlar idorasida saqlanmoqda.
Ikkinchi tarixiy obyekt — XIX asrda barpo etilgan Orifjon ota masjidi. Ushbu masjid O‘zbekiston tarixida ilk marta modern usulda qurilgan. Masjidga Orifjon ota nomi berilgan, sababi bu inson ushbu masjid qurilishiga homiy bo‘lgan.
Xalq tarixini saqlab qolish uchun Tashkent City XIMda mazkur obyektlarni qayta tiklashga qaror qilindi. Endi bu ikki obyekt quruvchilar nazoratida bo‘lib, ularni nafaqat saqlashadi, balki alohida arxitektura loyihalari asosida tiklashadi. Tashrif buyuruvchilar uchun barcha sharoitlar yaratiladi: yozda bu yerda salqin bo‘ladi, qishda esa — issiq. Dam olish va ibodat qilish uchun barcha sharoitlar yaratiladi.
Bu obyektlar mehmonlar, sayyohlar va madaniy meros saqlovchilari uchun bahs-munozara markazi bo‘lishi kerak.
Reklama huquqi asosida
Izoh (0)