Xitoy Fanlar akademiyasi huzuridagi Sian optika va aniq mexanika institutining bo‘linmasi — ZKZM Laser kompaniyasi politsiyachilarni lazer nurini otib, 800 metr uzoqlikdan dushmanning kiyimi va terisini kuydirib yuborishga qodir bo‘lgan hujum vintovkasi bilan qurollantirmoqchi, deb yozadi Hi-Tech Mail.Ru.
Vintovkaning lazer nurlari shovqin chiqarmaydi, ko‘zga ko‘rinmaydi va deraza oynasidan o‘ta oladi.
Quroldan harbiy bo‘lmagan asirlarni ozod qilishda, shuningdek, maxfiy jangovar operatsiyalarda foydalanish taklif qilinmoqda. Shu bilan birga, u “o‘limga olib kelmaydigan” qurol deb atalmoqda, chunki nishonga tekkanida uni o‘ldirmaydi, ammo “ancha sezilarli og‘riq” yetkazadi.
Vintovkaning og‘irligi uch kilogrammga teng. U litiy batareyasi bilan jihozlangan bo‘lib, uning quvvati 1000 tadan ortiq ikki soniyalik o‘q uzishlarga yetadi. Ayni paytda ZKZM ishlab chiqarish bo‘yicha sherik qidirmoqda. Bitta qurolning narxi taxminan 15 ming dollarga teng.
Izoh (0)