Jinoyat ishlari bo‘yicha Farg‘ona shahar sudi tomonidan bola sotish bilan shug‘ullangan shaxslarga nisbatan hukm chiqarildi. Bu haqda O‘zA xabar berdi.
N.Meliqo‘zizoda 2018-yilning yanvar oyida o‘zining tanishi G.Ochilova bilan jinoiy til biriktirib, farzandi, 2017-yilda tug‘ilgan Mustafoni sotib, boylik orttirish maqsidida jinoiy reja tuzadi.
G.Ochilova Farg‘ona shahrida yashovchi bola sotib olish niyatida yurgan shaxslarni topib, ularni N.Meliqo‘zizoda bilan uchrashtirib qo‘yish, u esa ushbu shasxlar bilan o‘z farzandini sotish masalasida gaplashish vazifalarini o‘zaro taqsimlab oladi.
DXX Farg‘ona viloyati boshqarmasi hamda huquqni muhofaza qiluvchi organlar bilan o‘tkazilgan tadbirda N.Meliqo‘zizoda o‘zining jinoiy sherigi G.Ochilova bilan Farg‘ona shahrida maxsus xaridor N.Nazirovaga uch oylik farzandini 13 ming dollarga sotayotgan vaqtda, daliliy ashyo bilan qo‘lga olindi.
Sud ularning qilmishiga yarasha jazo tayinladi.
Izoh (0)