Фарғонада 3 ойлик чақалоғини 13 минг долларга сотишга уринган аёл ва унинг шериги қўлга олинди

Жиноят ишлари бўйича Фарғона шаҳар суди томонидан бола сотиш билан шуғулланган шахсларга нисбатан ҳукм чиқарилди. Бу ҳақда ЎзА хабар берди.

Н.Мелиқўзизода 2018 йилнинг январь ойида ўзининг таниши Г.Очилова билан жиноий тил бириктириб, фарзанди, 2017 йилда туғилган Мустафони сотиб, бойлик орттириш мақсидида жиноий режа тузади.

Г.Очилова Фарғона шаҳрида яшовчи бола сотиб олиш ниятида юрган шахсларни топиб, уларни Н.Мелиқўзизода билан учраштириб қўйиш, у эса ушбу шасхлар билан ўз фарзандини сотиш масаласида гаплашиш вазифаларини ўзаро тақсимлаб олади.

ДХХ Фарғона вилояти бошқармаси ҳамда ҳуқуқни муҳофаза қилувчи органлар билан ўтказилган тадбирда Н.Мелиқўзизода ўзининг жиноий шериги Г.Очилова билан Фарғона шаҳрида махсус харидор Н.Назировага уч ойлик фарзандини 13 минг долларга сотаётган вақтда, далилий ашё билан қўлга олинди.

Суд уларнинг қилмишига яраша жазо тайинлади.