Bugun, 18-iyun sanasida Rossiyada bo‘lib o‘tayotgan Jahon Chempionati doirasida 1-tur o‘yinlari davom ettiriladi. Kun taqvimidan 3 ta o‘yin o‘rin olgan.
Kunning dastlabki o‘yini “F” guruhidan o‘rin olgan navbatdagi juftlik Shvetsiya hamda Janubiy Koreya terma jamoalari o‘rtasida bo‘lib o‘tadi. O‘yin Toshkent vaqti bilan 17:00 da boshlanadi.
Ma’lumot uchun kecha, 17-iyun sanasida “F” guruhi jamoalari Germaniya hamda Meksika termalari o‘rtasidagi uchrashuvda meksikaliklarning qo‘li baland kelgandi.
Shuningdek, bugunning o‘zida “G” guruhidan o‘rin olgan 4 jamoa 1-tur doirasida o‘zaro to‘qnash keladi.
Jumladan, Eden Azar boshchiligidagi Belgiya termasi Panama termasiga qarshi maydonga tushadi. Uchrashuv Toshkent vaqti bilan 20:00 da boshlanadi.
Guruhning ikkinchi o‘yini esa Angliya hamda Tunis terma jamoalari o‘rtasida bo‘lib o‘tadi. Mazkur o‘yin esa tunda, 23:00 da boshlanishi belgilangan.
Barcha uchrashuvlar Futbol-TV telekanali tomonidan jonli efirda namoyish etiladi.
Jahon Chempionati
“F” guruhi, 1-tur bellashuvi
18-iyun, dushanba
Izoh (0)