Бугун, 18 июнь санасида Россияда бўлиб ўтаётган Жаҳон Чемпионати доирасида 1-тур ўйинлари давом эттирилади. Кун тақвимидан 3 та ўйин ўрин олган.
Куннинг дастлабки ўйини «F» гуруҳидан ўрин олган навбатдаги жуфтлик Швеция ҳамда Жанубий Корея терма жамоалари ўртасида бўлиб ўтади. Ўйин Тошкент вақти билан 17:00 да бошланади.
Маълумот учун кеча, 17 июнь санасида «F» гуруҳи жамоалари Германия ҳамда Мексика термалари ўртасидаги учрашувда мексикаликларнинг қўли баланд келганди.
Шунингдек, бугуннинг ўзида «G» гуруҳидан ўрин олган 4 жамоа 1-тур доирасида ўзаро тўқнаш келади.
Жумладан, Эден Азар бошчилигидаги Бельгия термаси Панама термасига қарши майдонга тушади. Учрашув Тошкент вақти билан 20:00 да бошланади.
Гуруҳнинг иккинчи ўйини эса Англия ҳамда Тунис терма жамоалари ўртасида бўлиб ўтади. Мазкур ўйин эса тунда, 23:00 да бошланиши белгиланган.
Барча учрашувлар Futbol-TV телеканали томонидан жонли эфирда намойиш этилади.
Жаҳон Чемпионати
«F» гуруҳи, 1-тур беллашуви
18 июнь, душанба
Изоҳ (0)