2 ta yengil motorli samolyot Alyaska (AQSh) osmonida to‘qnashib ketdi. Bu haqda KTVA telekanaliga tayanib, “Korrespondent.net” xabar berdi.
Halokat 13-iyun, chorshanba kuni sodir bo‘lgan. Natijada samolyotlardan biri favqulodda qo‘nishni amalga oshirgan, ikkinchisi esa daryoga qulab tushgan.
“Samolyotlardan biri shu yerga qo‘ngan. Bortda bir kishi bo‘lgan va u jarohat olmagan. Samolyotga katta zarar yetgan. Ikkinchi samolyot, baxtga qarshi, daryoga qulab tushgan”, — deya Transport xavfsizligi milliy qo‘mitasi mahalliy boshqarmasining raisi Klint Jonson xabar bergan.
Qutqaruvchilar ikkinchi samolyotning qoldiqlarini topgan. Halok bo‘lgan va jarohat olganlar haqida hozircha ma’lumot taqdim qilinmagan.
Izoh (0)