Firibgarlar Uzmobile milliy operatori abonentlarini qo‘ng‘iroq va SMS-xabarlar bilan bezor qilmoqda. Bu haqda “Podrobno.uz” xabar berdi.
“Hurmatli abonentlar! Uzmobile abonentlariga firibgarlik qo‘ng‘iroqlari paydo bo‘lgani munosabati bilan +882337111* yoki +881* prefiksli o‘tkazib yuborilgan qo‘ng‘iroqlar va SMS’larga javob bermaslikni so‘raymiz. Shuningdek, SMS va qo‘ng‘iroqlarga ruxsat so‘rovchi mobil dasturlarni o‘rnatishda hushyor bo‘lishni so‘raymiz”, — deyiladi kompaniya xabarida.
Mazkur yangilik ijtimoiy tarmoqlarda qizg‘in muhokama qilinmoqda. Foydalanuvchilar firibgarlar kuniga 3 tadan 10 martagacha qo‘ng‘iroqni amalga oshirayotgani, telefonni olganda esa o‘sha zahoti uni qo‘yib qo‘yayotganini bildirgan.
“Bu firibgarlikning tanish ko‘rinishi. Ular siz shu raqamga qo‘ng‘iroq qilishingizni kutadi, juda uzoqda ro‘yxatdan o‘tgan va barcha pullariningizni sug‘urib oladi”, — deya ogohlantirgan foydalanuvchilardan biri.
Izoh (0)