Afg‘oniston hududida GM Uzbekistan avtomobillari yig‘iladi. Bu haqda O‘zA xabar bermoqda.
Mazkur mamlakat hududida hozirgacha birorta avtomobil yig‘uvchi korxona ochilmagan. O‘zbekiston esa bu yerda shunday korxona tashkil etishi rejasi borligini bildirdi.
Rasmiylarning izoh berishicha, ayni paytda bu borada muzokaralar olib borilmoqda.
Agar ikki davlatning ayni yo‘nalishdagi hamkorligi samarali hal bo‘lsa, O‘zbekiston Afg‘oniston hududida bunday yirik korxona ochgan ilk davlat bo‘ladi.
Avtomobil yig‘uvchi korxona mamlakat iqtisodiyotiga katta yordam ko‘rsatadi va ayni vaqtda hududdagi eng yirik muammo bo‘lgan ishsizlikning kamayishiga ijobiy ta’sir ko‘rsatadi. Bu borada ikki davlat rahbarlarining 2017-yil dekabr oyida bo‘lib o‘tgan uchrashuvida ham fikr borgan edi.
Mazkur zavod O‘zbekiston Afg‘oniston hududida qurishni ko‘zlagan yagona korxona emas. Istiqbolda ikki davlat hamkorligida paxtani qayta ishlovchi qo‘shma to‘qimachilik korxonasini ochish loyihasi ham turibdi.
Hozirda Balx viloyatining bu yo‘nalishdagi muhandislik-kommunikatsiya imkoniyatlari o‘rganilmoqda va o‘zaro muzokaralar olib borilmoqda.
Izoh (0)