Namangan shahrida joriy yil 30-may kuni kollej o‘quvchisi o‘limi bilan yakunlangan YTH sodir bo‘ldi. Bu haqda “Daryo”ga viloyat IIB matbuot xizmati ma’lum qildi.
Shu kuni soat 23:30 atrofida shahardagi kollejlardan birining o‘quvchisi, Namangan shahri, Mingchinor mahallasida yashagan, 2000-yilda tug‘ilgan Sh.S. Spark avtomobilini Islom Karimov ko‘chasida hujjatlarsiz haydab ketayotib, yuqori tezlikda boshqaruvni uddalay olmay, beton to‘siqqa urilib, yo‘lning qarama-qarshi tomoniga chiqib ketadi.
Bu yerda Uychi tumani, Yorqo‘rg‘on mahallasida yashovchi, 1989-yilda tug‘ilgan A.J. boshqaruvidagi Spark avtomobili bilan to‘qnashadi.
Mazkur hodisa oqibatida Sh. S. voqea joyida halok bo‘ldi. Hozirda mazkur holat yuzasidan surishtiruv harakatlari olib borilmoqda.
Izoh (0)