Наманган шаҳрида жорий йил 30 май куни коллеж ўқувчиси ўлими билан якунланган ЙТҲ содир бўлди. Бу ҳақда «Дарё»га вилоят ИИБ матбуот хизмати маълум қилди.
Шу куни соат 23:30 атрофида шаҳардаги коллежлардан бирининг ўқувчиси, Наманган шаҳри, Мингчинор маҳалласида яшаган, 2000 йилда туғилган Ш.С. Spark автомобилини Ислом Каримов кўчасида ҳужжатларсиз ҳайдаб кетаётиб, юқори тезликда бошқарувни уддалай олмай, бетон тўсиққа урилиб, йўлнинг қарама-қарши томонига чиқиб кетади.
Бу ерда Уйчи тумани, Ёрқўрғон маҳалласида яшовчи, 1989 йилда туғилган А.Ж. бошқарувидаги Spark автомобили билан тўқнашади.
Мазкур ҳодиса оқибатида Ш. С. воқеа жойида ҳалок бўлди. Ҳозирда мазкур ҳолат юзасидан суриштирув ҳаракатлари олиб борилмоқда.
Изоҳ (0)