4-iyun kuni milliy matbuot markazida “O‘zeltexsanoat” aksiyadorlik kompaniyasi tomonidan amalga oshirilgan ishlar, erishilgan natijalar, qo‘lga kiritilgan yutuqlar va muammolar to‘g‘risida matbuot anjumani o‘tkazildi.
Tadbirda “O‘zeltexsanoat” AK ijro apparati va uning tarkibiga kiruvchi korxonalar rahbarlari hamda OAV xodimlari ishtirok etdi.
Unda O‘zbekistonda mustaqillik yillarida elektrotexnika sanoatini rivojlantirishning istiqbollari haqida ma’lumot berildi.
Qayd etilishicha, keng qamrovli islohotlar natijasida kompaniya va uning tarkibiga kiruvchi korxonalar tomonidan ko‘pgina muvaffaqiyatlarga erishildi. Xususan, dunyoga mashhur kompaniya brendlari va ularning zamonaviy texnologiyalari jalb etilmoqda. Buning natijasida esa energiya sarfi, ekologiyaga ta’sir etuvchi chiqindilar yildan yilga kamayib bormoqda. Korxonalarda xalqaro sifat boshqaruv tizimi muvofiqlik sertifikatlari joriy etilmoqda.
Matbuot anjumanida, shuningdek, 2018—2021-yillarda hududlarni iqtisodiy-ijtimoiy dasturlari doirasida Qoraqalpog‘iston Respublikasi, viloyatlar va Toshkent shahrida amalga oshirilayotgan bir qator yangi investitsion loyihalar xususida so‘z bordi. Hududlarda umumiy qiymati 731,2 milliard so‘m bo‘lgan 43 ta yangi loyihani amalga oshirish orqali 1 547 ta yangi ish o‘rinlari yaratish ko‘zda tutilgan.
Xalqaro hamkorlik doirasida ham jahonga mashhur brendlar bo‘yicha turli yo‘nalishlardagi anglashuv memorandumlari, ikki tomonlama kelishuv shartnomalari imzolangan. Xususan, Janubiy Koreyaning “Kiturami” kompaniyasi, Xitoyning Hair Group, Turkiyaning “Odul madeni” kompaniyalari bilan maishiy texnika ishlab chiqarish sohasida qator loyihalar boshlab yuborilgan.
Izoh (0)